श्री दत्त सहस्रनाम स्तोत्रं

श्री दत्त सहस्रनाम स्तोत्रं दकारादि

||अथ ध्यानं||

यावद्द्वैतभ्रमस्तावन्न शांतिर्न परं सुखं ||

अतस्तदर्थं वक्ष्येऽदः सर्वात्मत्वावबोधकं ||अथ श्री दकारादि श्री दत्त सहस्रनामस्तोत्रं||

ॐ दत्तात्रेयो दयापूर्णो दत्तो दत्तकधर्मकृत् |
दत्ताभयो दत्तधैर्यो दत्तारामो दरार्दनः ||1||

दवो दवघ्नो दकदो दकपो दकदाधिपः |
दकवासी दकधरो दकशायी दकप्रियः ||2||

दत्तात्मा दत्तसर्वस्वो दत्तभद्रो दयाघनः |
दर्पको दर्पकरुचिर्दर्पकातिशयाकृतिः ||3||

दर्पकी दर्पककलाभिज्ञो दर्पकपूजितः |
दर्पकोनो दर्पकोक्षवेगहृद्दर्पकार्दनः ||4||

दर्पकाक्षीड् दर्पकाक्षीपूजितो दर्पकाधिभूः |
दर्पकोपरमो दर्पमाली दर्पकदर्पकः ||5||

दर्पहा दर्पदो दर्पत्यागी दर्पातिगो दमी |
दर्भधृग्दर्भकृद्दर्भी दर्भस्थो दर्भपीठगः ||6||

दनुप्रियो दनुस्तुत्यो दनुजात्मजमोहहृत् |
दनुजघ्नो दनुजजिद्दनुजश्रीविभंजनः ||7||

दमो दमीड् दमकरो दमिवंद्यो दमिप्रियः |
दमादियोगविद्दम्यो दम्यलीलो दमात्मकः ||8||

दमार्थी दमसंपन्नलभ्यो दमनपूजितः |
दमदो दमसंभाव्यो दममूलो दमीष्टदः ||9||

दमितो दमिताक्षश्च दमितेंद्रियवल्लभः |
दमूना दमुनाभश्च दमदेवो दमालयः ||10||

दयाकरो दयामूलो दयावश्यो दयाव्रतः |
दयावान् दयनीयेशो दयितो दयितप्रियः ||11||

दयनीयानसूयाभूर्दयनीयात्रिनंदनः |
दयनीयप्रियकरो दयात्मा च दयानिधिः ||12||

दयार्द्रो दयिताश्वत्थो दयाश्लिष्टो दयाघनः |
दयाविष्यो दयाभीष्टो दयाप्तो दयनीयदृक् ||13||

दयावृतो दयापूर्णो दयायुक्तांतरस्थितः |
दयालुर्दयनीयेक्षो दयासिंधुर्दयोदयः ||14||

दरद्रावितवातश्च दरद्रावितभास्करः |
दरद्रावितवह्निश्च दरद्रावितवासवः ||15||

दरद्रावितमृत्युश्च दरद्रावितचंद्रमाः |
दरद्रावितभूतौघो दरद्रावितदैवतः ||16||

दरास्त्रधृग्दरदरो दराक्षो दरहेतुकः |
दरदूरो दरातीतो दरमूलो दरप्रियः ||17||

दरवाद्यो दरदवो दरधृग्दरवल्लभः |
दक्षिणावर्तदरपो दरोदस्नानतत्परः ||18||

दरप्रियो दस्रवंद्यो दस्रेष्टो दस्रदैवतः |
दरकंठो दराभश्च दरहंता दरानुगः ||19||

दररावद्रावितारिर्दररावार्दितासुरः |
दररावमहामंत्रो दरारार्पितभीर्दरीट् ||20||

दरधृग्दरवासी च दरशायी दरासनः |
दरकृद्दरहृच्चापि दरगर्भो दरातिगः ||21||

दरिद्रपो दरिद्री च दरिद्रजनशेवधिः |
दरीचरो दरीसंस्थो दरीक्रीडो दरीप्रियः ||22||

दरीलभ्यो दरीदेवो दरीकेतनहृत्स्थितिः |
दरार्तिहृद्दलनकृद्दलप्रीतिर्दलोदरः ||23||

दलादर्नष्यनुग्राही दलादनसुपूजितः |
दलादगीतमहिमा दलादलहरीप्रियः ||24||

दलाशनो दलचतुष्टयचक्रगतो दली |
द्वित्र्यस्रपद्मगतिविद्दशास्राब्जविभेदकः ||25||

द्विषड्दलाब्जभेत्ता च द्व्यष्टास्राब्जविभेदकः |
द्विदलस्थो दशशतपत्रपद्मगतिप्रदः ||26||

द्व्यक्षरावृत्तिकृद्-द्व्यक्षो दशास्यवरदर्पहा |
दवप्रियो दवचरो दवशायी दवालयः ||27||

दवीयांदवक्त्रश्च दविष्ठायनपारकृत् |
दवमाली दवदवो दवदोषनिशातनः ||28||

दवसाक्षी दवत्राणो दवारामो दवस्थगः |
दशहेतुर्दशातीतो दशाधारो दशाकृतिः ||29||

दशषड्बंधसंविद्दो दशषड्बंधभेदनः |
दशाप्रदो दशाभिज्ञो दशासाक्षी दशाहरः ||30||

दशायुधो दशमहाविद्यार्च्यो दशपंचदृक् |
दशलक्षणलक्ष्यात्मा दशषड्वाक्यलक्षितः ||31||

दर्दुरव्रातविहितध्वनिज्ञापितवृष्टिकः |
दशपालो दशबलो दशेंद्रिय विहारकृत् ||32||

दशेंद्रिय गणाध्यक्षो दशेंद्रियदृगूर्ध्वगः |
दशैकगुणगम्यश्च दशेंद्रियमलापहा ||33||

दशेंद्रियप्रेरकश्च दशेंद्रियनिबोधनः |
दशैकमानमेयश्च दशैकगुणचालकः ||34||

दशभूर्दर्शनाभिज्ञो दर्शनादर्शितात्मकः |
दशाश्वमेधतीर्थेष्टो दशास्यरथचालकः ||35||

दशास्यगर्वहर्ता च दशास्यपुरभंजनः |
दशास्यकुलविध्वंसी दशास्यानुजपूजितः ||36||

दर्शनप्रीतिदो दर्शयजनो दर्शनादुरः |
दर्शनीयो दशबलपक्षभिच्च दशार्तिहा ||37||

दशार्तिगो दशाशापो दशग्रंथविशारदः |
दशप्राणविहारी च दशप्राणगतिर्दृशिः ||38||

दशांगुलाधिकात्मा च दाशार्हो दशषट्सुभुक् |
दशप्रागाद्यंगुलीककरनम्रद्विडंतकः ||39||

दशब्राह्मणभेदज्ञो दशब्राह्मणभेदकृत् |
दशब्राह्मणसंपूज्यो दशनार्तिनिवारणः ||40||

दोषज्ञो दोषदो दोषाधिपबंधुर्द्विषद्धरः |
दोषैकदृक्पक्षघाती दष्टसर्पार्तिशामकः ||41||

दधिक्राश्च दधिक्रावगामी दध्यङ्मुनीष्टदः |
दधिप्रियो दधिस्नातो दधिपो दधिसिंधुगः ||42||

दधिभो दधिलिप्तांगो दध्यक्षतविभूषणः |
दधिद्रप्सप्रियो दभ्रवेद्यविज्ञातविग्रहः ||43||

दहनो दहनाधारो दहरो दहरालयः |
दह्रदृग्दहराकाशो दहराछादनांतकः ||44||

दग्धभ्रमो दग्धकामो दग्धार्तिर्दग्धमत्सरः |
दग्धभेदो दग्धमदो दग्धाधिर्दग्धवासनः ||45||

दग्धारिष्टो दग्धकष्टो दग्धार्तिर्दग्धदुष्क्रियः |
दग्धासुरपुरो दग्धभुवनो दग्धसत्क्रियः ||46||

दक्षो दक्षाध्वरध्वंसी दक्षपो दक्षपूजितः |
दाक्षिणात्यार्चितपदो दाक्षिणात्यसुभावगः ||47||

दक्षिणाशो दक्षिणेशो दक्षिणासादिताध्वरः |
दक्षिणार्पितसल्लोको दक्षवामादिवर्जितः ||48||

दक्षिणोत्तरमार्गज्ञो दक्षिण्यो दक्षिणार्हकः |
द्रुमाश्रयो द्रुमावासो द्रुमशायी द्रुमप्रियः ||49||

द्रुमजन्मप्रदो द्रुस्थो द्रुरूपभवशातनः |
द्रुमत्वगंबरो द्रोणो द्रोणीस्थो द्रोणपूजितः ||50||

द्रुघणी द्रुद्यणास्त्रश्च द्रुशिष्यो द्रुधर्मधृक् |
द्रविणार्थो द्रविणदो द्रावणो द्राविडप्रियः ||51||

द्रावितप्रणताघो द्राक्फलो द्राक्केंद्रमार्गवित् |
द्राघीय आयुर्दधानो द्राघीयांद्राक्प्रसादकृत् ||52||

द्रुततोषो द्रुतगतिव्यतीतो द्रुतभोजनः |
द्रुफलाशी द्रुदलभुग्दृषद्वत्याप्लवादरः ||53||

द्रुपदेड्यो द्रुतमतिर्द्रुतीकरणकोविदः |
द्रुतप्रमोदो द्रुतिधृग्द्रुतिक्रीडाविचक्षणः ||54||

दृढो दृढाकृतिर्दार्ढ्यो दृढसत्त्वो दृढव्रतः |
दृढच्युतो दृढबलो दृढार्थासक्तिवारणः ||55||

दृढधीर्दृढभक्तिदृग्दृढभक्तिवरप्रदः |
दृढदृग्दृढभक्तिज्ञो दृढभक्तो दृढाश्रयः ||56||

दृढदंडो दृढयमो दृढप्रदो दृढांगकृत् |
दृढकायो दृढध्यानो दृढाभ्यासो दृढासनः ||57||

दृग्दो दृग्दोषहरणो दृष्टि द्वंद्व विराजितः |
दृक्पूर्वो दृऽग्मनोतीतो दृक्पूतगमनो दृगीट् ||58||

दृगिष्टो दृष्ट्यविषमो दृष्टिहेतुर्दृष्टत्तनुः |
दृग्लभ्यो दृक्त्रययुतो दृग्बाहुल्यविराजितः ||59||

द्युपतिर्द्युपदृग्द्युस्थो द्युमणिर्द्युप्रवर्तकः |
द्युदेहो द्युगमो द्युस्थो द्युभूर्द्युर्द्युलयो द्युमान् ||60||

द्युनिड्गतिद्युतिद्यूनस्थानदोषहरो द्युभुक् |
द्यूतकृद्द्यूतहृद्द्यूतदोषहृद्द्यूतदूरगः ||61||

दृप्तो दृप्तार्दनो द्योस्थो द्योपालो द्योनिवासकृत् |
द्रावितारिर्द्राविताल्पमृत्युर्द्रावितकैतवः ||62||

द्यावाभूमिसंधिदर्शी द्यावाभूमिधरो द्युदृक् |
द्योकृद्द्योतहृद्द्योती द्योताक्षो द्योतदीपनः ||63||

द्योतमूलो द्योतितात्मा द्योतोद्यौर्द्योतिताखिलः |
द्वयवादिमतद्वेषी द्वयवादिमतांतकः ||64||

द्वयवादिविजयी दीक्षाद्वयवादिनिकृंतनः |
द्व्यष्टवर्षवया द्व्यष्टनृपवंद्यो द्विषट्क्रियः ||65||

द्विषत्कलानिधिर्द्वीपिचर्मधृग्द्व्यष्टजातिकृत् |
द्व्यष्टोपचारदयितो द्व्यष्टस्वरतनुर्द्विभित् ||66||

द्व्यक्षराख्यो द्व्यष्टकोटिस्वजपीष्टार्थपूरकः |
द्विपाद्द्व्यात्मा द्विगुर्द्वीशो द्व्यतीतो द्विप्रकाशकः ||67||

द्वैतीभूतात्मको द्वैधीभूतचिद्द्वैधशामकः |
द्विसप्तभुवनाधारो द्विसप्तभुवनेश्वरः ||68||

द्विसप्तभुवनांतस्थो द्विसप्तभुवनात्मकः |
द्विसप्तलोककर्ता द्विसप्तलोकाधिपो द्विपः ||69||

द्विसप्तविद्याभिज्ञो द्विसप्तविद्याप्रकाशकः |
द्विसप्तविद्याविभवो द्विसप्तेंद्रपदप्रदः ||70||

द्विसप्तमनुमान्यश्च द्विसप्तमनुपूजितः |
द्विसप्तमनुदेवो द्विसप्तमन्वंतरर्धिकृत् ||71||

द्विचत्वारिंशदुद्धर्ता द्विचत्वारिकलास्तुतः |
द्विस्तनीगोरसास्पृग्द्विहायनीपालको द्विभुक् ||72||

द्विसृष्टिर्द्विविधो द्वीड्यो द्विपथो द्विजधर्मकृत् |
द्विजो द्विजातिमान्यश्च द्विजदेवो द्विजातिकृत् ||73||

द्विजप्रेष्ठो द्विजश्रेष्ठो द्विजराजसुभूषणः |
द्विजराजाग्रजो द्विड्द्वीड् द्विजाननसुभोजनः ||74||

द्विजास्यो द्विजभक्तो द्विजातिभृद्द्विजसत्कृतः |
द्विविधो द्व्यावृतिर्द्वंद्ववारणो द्विमुखादनः ||75||

द्विजपालो द्विजगुरुर्द्विजराजासनो द्विपात् |
द्विजिह्वसूत्रो द्विजिह्वफणछत्रो द्विजिह्वभत् ||76||

द्वादशात्मा द्वापरदृग् द्वादशादित्यरूपकः |
द्वादशीशो द्वादशारचक्रधृग् द्वादशाक्षरः ||77||

द्वादशीपारणो द्वार्दश्यच्यो द्वादश षड्बलः |
द्वासप्तति सहस्रांग नाडीगति विचक्षणः ||78||

द्वंद्वदो द्वंद्वदो द्वंद्वबीभत्सो द्वंद्वतापनः |
द्वंद्वार्तिहृद् द्वंद्वसहो द्वया द्वंद्वातिगो द्विगः ||79||

द्वारदो द्वारविद्द्वास्थो द्वारधृग् द्वारिकाप्रियः |
द्वारकृद् द्वारगो द्वारनिर्गम क्रम मुक्तिगः ||80||

द्वारभृद् द्वारनवकगतिसंसृतिदर्शकः |
द्वैमातुरो द्वैतहीनो द्वैतारण्यविनोदनः ||81||

द्वैतास्पृग् द्वैतगो द्वैताद्वैतमार्गविशारदः |
दाता दातृप्रियो दावो दारुणो दारदाशनः ||82||

दानदो दारुवसतिर्दास्यज्ञो दाससेवितः |
दानप्रियो दानतोषो दानज्ञो दानविग्रहः ||83||

दास्यप्रियो दासपालो दास्यदो दासतोषणः |
दावोष्णहृद् दांतसेव्यो दांतज्ञो दांत वल्लभः ||84||

दातदोषो दातकेशो दावचारी च दावपः |
दायकृद्दायभुग् दारस्वीकारविधिदर्शकः ||85||

दारमान्यो दारहीनो दारमेधिसुपूजितः |
दानवान् दानवारातिर्दानवाभिजनांतकः ||86||

दामोदरो दामकरो दारस्नेहोतचेतनः |
दार्वीलेपो दारमोहो दारिकाकौतुकान्वितः ||87||

दारिकादोद्धारकश्च दातदारुकसारथिः |
दाहकृद्दाहशांतिज्ञो दाक्षायण्यधिदैवतः ||88||

द्रांबीजो द्रांमनुर्दांतशांतोपरतवीक्षितः |
दिव्यकृद्दिव्यविद्दिव्यो दिविस्पृग् दिविजार्थदः ||89||

दिक्पो दिक्पतिपो दिग्विद्दिगंतरलुठद्यशः |
दिग्दर्शनकरो दिष्टो दिष्टात्मा दिष्टभावनः ||90||

दृष्टो दृष्टांतदो दृष्टातिगो दृष्टांतवर्जितः |
दिष्टं दिष्टपरिच्छेदहीनो दिष्टनियामकः ||91||

दिष्टास्पृष्टगतिर्दिष्टेड्दिष्टकृद्दिष्टचालकः |
दिष्टदाता दिष्टहंता दुर्दिष्टफलशामकः ||92||

दिष्टव्याप्तजगद्दिष्टशंसको दिष्टयत्नवान् |
दितिप्रियो दितिस्तुत्यो दितिपूज्यो दितीष्टदः ||93||

दितिपाखंडदावो दिग्दिनचर्यापरायणः |
दिगंबरो दिव्यकांतिर्दिव्यगंधोऽपि दिव्यभुक् ||94||

दिव्यभावो दीदिविकृद्दोषहृद्दीप्तलोचनः |
दीर्घजीवी दीर्घदृष्टिर्दीर्घांगो दीर्घबाहुकः ||95||

दीर्घश्रवा दीर्घगतिर्दीर्घवक्षाश्च दीर्घपात् |
दीनसेव्यो दीनबंधुर्दीनपो दीपितांतरः ||96||

दीनोद्धर्ता दीप्तकांतिर्दीप्रक्षुरसमायनः |
दीव्यन् दीक्षितसंपूज्यो दीक्षादो दीक्षितोत्तमः ||97||

दीक्षणीयेष्टिकृद्दीक्षादीक्षाद्वयविचक्षणः |
दीक्षाशी दीक्षितान्नाशी दीक्षाकृद्दीक्षितादरः ||98||

दीक्षितार्थ्यो दीक्षिताशो दीक्षिताभीष्टपूरकः |
दीक्षापटुर्दीक्षितात्मा दीद्यद्दीक्षितगर्वहृत् ||99||

दुष्कर्महा दुष्कृतज्ञो दुष्कृद्दुष्कृतिपावनः |
दुष्कृत्साक्षी दुष्कृतहृत् दुष्कृद्धा दुष्कृदार्तिदः ||100||

दुष्क्रियांतो दुष्करकृद् दुष्क्रियाघनिवारकः |
दुष्कुलत्याजको दुष्कृत्पावनो दुष्कुलांतकः ||101||

दुष्कुलाघहरो दुष्कृद्गतिदो दुष्करक्रियः |
दुष्कलंकविनाशी दुष्कोपो दुष्कंटकार्दनः ||102||

दुष्कारी दुष्करतपा दुःखदो दुःखहेतुकः |
दुःखत्रयहरो दुःखत्रयदो दुःखदुःखदः ||103||

दुःखत्रयार्तिविद् दुःखिपूजितो दुःखशामकः |
दुःखहीनो दुःखहीनभक्तो दुःखविशोधनः ||104||

दुःखकृद् दुःखदमनो दुःखितारिश्च दुःखनुत् |
दुःखातिगो दुःखलहा दुःखेटार्तिनिवारणः ||105||

दुःखेटदृष्टिदोषघ्नो दुःखगारिष्टनाशकः |
दुःखेचरदशार्तिघ्नो दुष्टखेटानुकूल्यकृत् ||106||

दुःखोदर्काच्छादको दुःखोदर्कगतिसूचकः |
दुःखोदर्कार्थसंत्यागी दुःखोदर्कार्थदोषदृक् ||107||

दुर्गा दुर्गार्तिहृद् दुर्गी दुर्गेशो दुर्गसंस्थितः |
दुर्गमो दुर्गमगतिर्दुर्गारामश्च दुर्गभूः ||108||

दुर्गानवकसंपूज्यो दुर्गानवकसंस्तुतः |
दुर्गभिद् दुर्गतिर्दुर्गमार्गगो दुर्गमार्थदः ||109||

दुर्गतिघ्नो दुर्गतिदो दुर्ग्रहो दुर्ग्रहार्तिहृत् |
दुर्ग्रहावेशहृद् दुष्टग्रहनिग्रहकारकः ||110||

दुर्ग्रहोच्चाटको दुष्टग्रहजिद् दुर्गमादरः |
दुर्दृष्टिबाधाशमनो दुर्दृष्टिभयहापकः ||111||

दुर्गुणो दुर्गुणातीतो दुर्गुणातीतवल्लभः |
दुर्गंधनाशो दुर्घातो दुर्घटो दुर्घटक्रियः ||112||

दुश्चर्यो दुश्चरित्रारिर्दुश्चिकित्स्यगदांतकः |
दुश्चित्ताह्लादको दुश्चिच्छास्ता दुश्चेष्टशिक्षकः ||113||

दुश्चिंताशमनो दुश्चिद्दुश्छंदविनिवर्तकः |
दुर्जयो दुर्जरो दुर्जिज्जयी दुर्जेयचित्तजित् ||114||

दुर्जाप्यहर्ता दुर्वार्ताशांतिर्दुर्जातिदोषहृत् |
दुर्जनारिर्दुश्चवनो दुर्जनप्रांतहापकः ||115||

दुर्जनार्तो दुर्जनार्तिहरो दुर्जलदोषहृत् |
दुर्जीवहा दुष्टहंता दुष्टार्तपरिपालकः ||116||

दुष्टविद्रावणो दुष्टमार्गभिद् दुष्टसंगहृत् |
दुर्जीवहत्यासंतोषो दुर्जनाननकीलनः ||117||

दुर्जीववैरहृद् दुष्टोच्चाटको दुस्तरोद्धरः |
दुष्टदंडो दुष्टखंडो दुष्टध्रुग् दुष्टमुंडनः ||118||

दुष्टभावोपशमनो दुष्टविद् दुष्टशोधनः |
दुस्तर्कहृद् दुस्तर्कारिर्दुस्तापपरिशांतिकृत् ||119||

दुर्दैवहृद् दुंदुभिघ्नो दुंदुभ्याघातहर्षकृत् |
दुर्धीहरो दुर्नयहृद्दुःपक्षिध्वनिदोषहृत् ||120||

दुष्प्रयोगोपशमनो दुष्प्रतिग्रहदोषहृत् |
दुर्बलाप्तो दुर्बोधात्मा दुर्बंधच्छिद्दुरत्ययः ||121||

दुर्बाधाहृद् दुर्भयहृद् दुर्भ्रमोपशमात्मकः |
दुर्भिक्षहृद्दुर्यशोहृद् दुरुत्पातोपशामकः ||122||

दुर्मंत्रयंत्रतंत्रच्छिद् दुर्मित्रपरितापनः |
दुर्योगहृद् दुराधर्पो दुराराध्यो दुरासदः ||123||

दुरत्ययस्वमायाब्धि तारको दुरवग्रहः |
दुर्लभो दुर्लभतमो दुरालापाघशामकः ||124||

दुर्नामहृद् दुराचारपावनो दुरपोहनः |
दुराश्रमाघहृद्दुर्गपथलभ्यचिदात्मकः ||125||

दुरध्वपारदो दुर्भुक्पावनो दुरितार्तिहा |
दुराश्लेषाघहर्ता दुर्मैथुनैनोनिबर्हणः ||126||

दुरामयांतो दुर्वैरहर्ता दुर्व्यसनांतकृत् |
दुःसहो दुःशकुनहृद् दुःशीलपरिवर्तनः ||127||

दुःशोकहृद् दुःशऽग्काहृद्दुःसंगभयवारणः |
दुःसहाभो दुःसहदृग्दुःस्वप्नभयनाशनः ||128||

दुःसंगदोषसऽज्जातदुर्मनीषाविशोधनः |
दुःसंगिपापदहनो दुःक्षणाघनिवर्तनः ||129||

दुःक्षेत्रपावनो दुःक्षुद् भयहृद्दुःक्षयार्तिहृत् |
दुःक्षत्रहृच्च दुर्ज्ञेयो दुर्ज्ञानपरिशोधनः ||130||

दूतो दूतेरको दूतप्रियो दूरश्च दूरदृक् |
दूनचित्ताह्लादकश्च दूर्वाभो दूष्यपावनः ||131||

देदीप्यमाननयनो देवो देदीप्यमानभः |
देदीप्यमानरदनो देश्यो देदीप्यमानधीः ||132||

देवेष्टो देवगो देवी देवता देवतार्चितः |
देवमातृप्रियो देवपालको देववर्धकः ||133||

देवमान्यो देववंद्यो देवलोकप्रियंवदः |
देवारिष्टहरो देवाभीष्टदो देवतात्मकः ||134||

देवभक्तप्रियो देवहोता देवकुलादृतः |
देवतंतुर्देवसंपद्देवद्रोहिसुशिक्षकः ||135||

देवात्मको देवमयो देवपूर्वश्च देवभूः |
देवमार्गप्रदो देवशिक्षको देवगर्वहृत् ||136||

देवमार्गांतरायघ्नो देवयज्ञादिधर्मधृक् |
देवपक्षी देवसाक्षी देवदेवेशभास्करः ||137||

देवारातिहरो देवदूतो दैवतदैवतः |
देवभीतिहरो देवगेयो देवहविर्भुजः ||138||

देवश्राव्यो देवदृश्यो देवर्णी देवभोग्यभुक् |
देवीशो देव्यभीष्टार्थो देवीड्यो देव्यभीष्टकृत् ||139||

देवीप्रियो देवकीजो देशिको देशिकार्चितः |
देशिकेड्यो देशिकात्मा देवमातृकदेशपः ||140||

देहकृद्देहधृग्देही देहगो देहभावनः |
देहपो देहदो देहचतुष्टयविहारकृत् ||141||

देहीतिप्रार्थनीयश्च देहबीजनिकृंतनः |
देवनास्पृग्देवनकृद्देहास्पृग्देहभावनः ||142||

देवदत्तो देवदेवो देहातीतोऽपि देहभृत् |
देहदेवालयो देहासंगो देहरथेष्टगः ||143||

देहधर्मा देहकर्मा देहसंबंधपालकः |
देयात्मा देयविद्देशापरिच्छिन्नश्च देशकृत् ||144||

देशपो देशवान् देशी देशज्ञो देशिकागमः |
देशभाषापरिज्ञानी देशभूर्देशपावनः ||145||

देश्यपूज्यो देवकृतोपसर्गनिवर्तकः |
दिविषद्विहितावर्षातिवृष्ट्यादीतिशामकः ||146||

दैवीगायत्रिकाजापी दैवसंपत्तिपालकः |
दैवीसंपत्तिसंपन्नमुक्तिकृद्दैवभावगः ||147||

दैवसंपत्त्यसंपन्नछायास्पृग्दैत्यभावहृत् |
दैवदो दैवफलदो दैवादित्रिक्रियेश्वरः ||148||

दैवानुमोदनो दैन्यहरो दैवज्ञदेवतः |
दैवज्ञो दैववित्पूज्यो दैविको दैन्यकारणः ||149||

दैन्यांजनहृतस्तंभो दोषत्रयशमप्रदः |
दोषहर्ता दैवभिषग्दोषदो दोर्द्वयान्वितः ||150||

दोषज्ञो दोहदाशंसी दोग्धा दोष्यंतितोषितः |
दौरात्म्यदूरो दौरात्म्यहृद्दौरात्म्यार्तिशांतिकृत् ||151||

दौरात्म्यदोषसंहर्ता दौरात्म्यपरिशोधनः |
दौर्मनस्यहरो दौत्यकृद्दौत्योपास्तशक्तिकः ||152||

दौर्भाग्यदोऽपि दौर्भाग्यहृद्दौर्भाग्यार्तिशांतिकृत् |
दौष्ट्यत्रो दौष्कुल्यदोषहृद्दौष्कुल्याधिशामकः ||153||

दंदशूकपरिष्कारो दंदशूककृतायुधः |
दंतिचर्मपरिधानो दंतुरो दंतुरारिहृत् ||154||

दंतुरघ्नो दंडधारी दंडनीतिप्रकाशकः |
दांपत्यार्थप्रदो दंर्पत्यच्यो दंपत्यभीष्टदः ||155||

दंपतिद्वेषशमनो दंपतिप्रीतिवर्धनः |
दंतोलूखलको दंष्ट्री दंत्यास्यो दंतिपूर्वगः ||156||

दंभोलिभृद्दंभहर्ता दंड्यविद्दंशवारणः |
दंद्रम्यमाणशरणो दंत्यश्वरथपत्तिदः ||157||

दंद्रम्यमाणलोकार्तिकरो दंड त्रयाश्रितः |
दंडपाण्यर्चपद्दंडि वासुदेवस्तुतोऽवतु ||158||

इति श्रीमद्दकारादि दत्तनाम सहस्रकं |
पठतां शृण्वतां वापि परानंदपदप्रदं ||159||

||इति श्री परम पूज्य परमहंस परिव्राजकाचार्य
श्री श्री श्री मद्वासुदेवानंद सरस्वती यति वरेण्य
विरचित दकारादि दत्त सहस्रनामस्तोत्रं ||