श्री गायत्री सहस्रनाम स्तोत्रं

श्री गायत्री सहस्रनाम स्तोत्रं

श्रीगणेशाय नमः |
ध्यानं -
रक्तश्वेतहिरण्यनीलधवलैर्युक्तां त्रिनेत्रोज्ज्वलां
रक्तारक्तनवस्रजं मणिगणैर्युक्तां कुमारीमिमां |
गायत्री कमलासनां करतलव्यानद्धकुंडांबुजां
पद्माक्षीं च वरस्रजंच दधतीं हंसाधिरूढां भजे ||

ॐ तत्काररूपा तत्त्वज्ञा तत्पदार्थस्वरूपिणि |
तपस्स्व्याध्यायनिरता तपस्विजननन्नुता ||1||

तत्कीर्तिगुणसंपन्ना तथ्यवाक्च तपोनिधिः |
तत्त्वोपदेशसंबंधा तपोलोकनिवासिनी ||2||

तरुणादित्यसंकाशा तप्तकांचनभूषणा |
तमोपहारिणि तंत्री तारिणि ताररूपिणि ||3||

तलादिभुवनांतस्था तर्कशास्त्रविधायिनी |
तंत्रसारा तंत्रमाता तंत्रमार्गप्रदर्शिनी ||4||

तत्त्वा तंत्रविधानज्ञा तंत्रस्था तंत्रसाक्षिणि |
तदेकध्याननिरता तत्त्वज्ञानप्रबोधिनी ||5||

तन्नाममंत्रसुप्रीता तपस्विजनसेविता |
साकाररूपा सावित्री सर्वरूपा सनातनी ||6||

संसारदुःखशमनी सर्वयागफलप्रदा |
सकला सत्यसंकल्पा सत्या सत्यप्रदायिनी ||7||

संतोषजननी सारा सत्यलोकनिवासिनी |
समुद्रतनयाराध्या सामगानप्रिया सती ||8||

समानी सामदेवी च समस्तसुरसेविता |
सर्वसंपत्तिजननी सद्गुणा सकलेष्टदा ||9||

सनकादिमुनिध्येया समानाधिकवर्जिता |
साध्या सिद्धा सुधावासा सिद्धिस्साध्यप्रदायिनी ||10||

सद्युगाराध्यनिलया समुत्तीर्णा सदाशिवा |
सर्ववेदांतनिलया सर्वशास्त्रार्थगोचरा ||11||

सहस्रदलपद्मस्था सर्वज्ञा सर्वतोमुखी |
समया समयाचारा सदसद्ग्रंथिभेदिनी ||12||

सप्तकोटिमहामंत्रमाता सर्वप्रदायिनी |
सगुणा संभ्रमा साक्षी सर्वचैतन्यरूपिणी ||13||

सत्कीर्तिस्सात्विका साध्वी सच्चिदानंदरूपिणी |
संकल्परूपिणी संध्या सालग्रामनिवासिनी ||14||

सर्वोपाधिविनिर्मुक्ता सत्यज्ञानप्रबोधिनी |
विकाररूपा विप्रश्रीर्विप्राराधनतत्परा ||15||

विप्रप्रीर्विप्रकल्याणी विप्रवाक्यस्वरूपिणी |
विप्रमंदिरमध्यस्था विप्रवादविनोदिनी ||16||

विप्रोपाधिविनिर्भेत्री विप्रहत्याविमोचनी |
विप्रत्राता विप्रगोत्रा विप्रगोत्रविवर्धिनी ||17||

विप्रभोजनसंतुष्टा विष्णुरूपा विनोदिनी |
विष्णुमाया विष्णुवंद्या विष्णुगर्भा विचित्रिणी ||18||

वैष्णवी विष्णुभगिनी विष्णुमायाविलासिनी |
विकाररहिता विश्वविज्ञानघनरूपिणी ||19||

विबुधा विष्णुसंकल्पा विश्वामित्रप्रसादिनी |
विष्णुचैतन्यनिलया विष्णुस्वा विश्वसाक्षिणी ||20||

विवेकिनी वियद्रूपा विजया विश्वमोहिनी |
विद्याधरी विधानज्ञा वेदतत्त्वार्थरूपिणी ||21||

विरूपाक्षी विराड्रूपा विक्रमा विश्वमंगला |
विश्वंभरासमाराध्या विश्वभ्रमणकारिणी ||22||

विनायकी विनोदस्था वीरगोष्ठीविवर्धिनी |
विवाहरहिता विंध्या विंध्याचलनिवासिनी ||23||

विद्याविद्याकरी विद्या विद्याविद्याप्रबोधिनी |
विमला विभवा वेद्या विश्वस्था विविधोज्ज्वला ||24||

वीरमध्या वरारोहा वितंत्रा विश्वनायिका |
वीरहत्याप्रशमनी विनम्रजनपालिनी ||25||

वीरधीर्विविधाकारा विरोधिजननाशिनी |
तुकाररूपा तुर्यश्रीस्तुलसीवनवासिनी ||26||

तुरंगी तुरगारूढा तुलादानफलप्रदा |
तुलामाघस्नानतुष्टा तुष्टिपुष्टिप्रदायिनी ||27||

तुरंगमप्रसंतुष्टा तुलिता तुल्यमध्यगा |
तुंगोत्तुंगा तुंगकुचा तुहिनाचलसंस्थिता ||28||

तुंबुरादिस्तुतिप्रीता तुषारशिखरीश्वरी |
तुष्टा च तुष्टिजननी तुष्टलोकनिवासिनी ||29||

तुलाधारा तुलामध्या तुलस्था तुर्यरूपिणी |
तुरीयगुणगंभीरा तुर्यनादस्वरूपिणी ||30||

तुर्यविद्यालास्यतुष्टा तूर्यशास्त्रार्थवादिनी |
तुरीयशास्त्रतत्त्वज्ञा तूर्यनादविनोदिनी ||31||

तूर्यनादांतनिलया तूर्यानंदस्वरूपिणी |
तुरीयभक्तिजननी तुर्यमार्गप्रदर्शिनी ||32||

वकाररूपा वागीशी वरेण्या वरसंविधा |
वरा वरिष्ठा वैदेही वेदशास्त्रप्रदर्शिनी ||33||

विकल्पशमनी वाणी वांछितार्थफलप्रदा |
वयस्था च वयोमध्या वयोवस्थाविवर्जिता ||34||

वंदिनी वादिनी वर्या वाङ्मयी वीरवंदिता |
वानप्रस्थाश्रमस्था च वनदुर्गा वनालया ||35||

वनजाक्षी वनचरी वनिता विश्वमोहिनी |
वसिष्ठावामदेवादिवंद्या वंद्यस्वरूपिणी ||36||

वैद्या वैद्यचिकित्सा च वषट्कारी वसुंधरा |
वसुमाता वसुत्राता वसुजन्मविमोचनी ||37||

वसुप्रदा वासुदेवी वासुदेव मनोहरी |
वासवार्चितपादश्रीर्वासवारिविनाशिनी ||38||

वागीशी वाङ्मनस्थायी वशिनी वनवासभूः |
वामदेवी वरारोहा वाद्यघोषणतत्परा ||39||

वाचस्पतिसमाराध्या वेदमाता विनोदिनी |
रेकाररूपा रेवा च रेवातीरनिवासिनी ||40||

राजीवलोचना रामा रागिणिरतिवंदिता |
रमणीरामजप्ता च राज्यपा राजताद्रिगा ||41||

राकिणी रेवती रक्षा रुद्रजन्मा रजस्वला |
रेणुकारमणी रम्या रतिवृद्धा रता रतिः ||42||

रावणानंदसंधायी राजश्री राजशेखरी |
रणमद्या रथारूढा रविकोटिसमप्रभा ||43||

रविमंडलमध्यस्था रजनी रविलोचना |
रथांगपाणि रक्षोघ्नी रागिणी रावणार्चिता ||44||

रंभादिकन्यकाराध्या राज्यदा राज्यवर्धिनी |
रजताद्रीशसक्थिस्था रम्या राजीवलोचना ||45||

रम्यवाणी रमाराध्या राज्यधात्री रतोत्सवा |
रेवती च रतोत्साहा राजहृद्रोगहारिणी ||46||

रंगप्रवृद्धमधुरा रंगमंडपमध्यगा |
रंजिता राजजननी रम्या राकेंदुमध्यगा ||47||

राविणी रागिणी रंज्या राजराजेश्वरार्चिता |
राजन्वती राजनीती रजताचलवासिनी ||48||

राघवार्चितपादश्री राघवा राघवप्रिया |
रत्ननूपुरमध्याढ्या रत्नद्वीपनिवासिनी ||49||

रत्नप्राकारमध्यस्था रत्नमंडपमध्यगा |
रत्नाभिषेकसंतुष्टा रत्नांगी रत्नदायिनी ||50||

णिकाररूपिणी नित्या नित्यतृप्ता निरंजना |
निद्रात्ययविशेषज्ञा नीलजीमूतसन्निभा ||51||

नीवारशूकवत्तन्वी नित्यकल्याणरूपिणी |
नित्योत्सवा नित्यपूज्या नित्यानंदस्वरूपिणी ||52||

निर्विकल्पा निर्गुणस्था निश्चिंता निरुपद्रवा |
निस्संशया निरीहा च निर्लोभा नीलमूर्धजा ||53||

निखिलागममध्यस्था निखिलागमसंस्थिता |
नित्योपाधिविनिर्मुक्ता नित्यकर्मफलप्रदा ||54||

नीलग्रीवा निराहारा निरंजनवरप्रदा |
नवनीतप्रिया नारी नरकार्णवतारिणी ||55||

नारायणी निरीहा च निर्मला निर्गुणप्रिया |
निश्चिंता निगमाचारनिखिलागम च वेदिनी ||56||

निमेषानिमिषोत्पन्ना निमेषांडविधायिनी |
निवातदीपमध्यस्था निर्विघ्ना नीचनाशिनी ||57||

नीलवेणी नीलखंडा निर्विषा निष्कशोभिता |
नीलांशुकपरीधाना निंदघ्नी च निरीश्वरी ||58||

निश्वासोच्छ्वासमध्यस्था नित्ययानविलासिनी |
यंकाररूपा यंत्रेशी यंत्री यंत्रयशस्विनी ||59||

यंत्राराधनसंतुष्टा यजमानस्वरूपिणी |
योगिपूज्या यकारस्था यूपस्तंभनिवासिनी ||60||

यमघ्नी यमकल्पा च यशःकामा यतीश्वरी |
यमादीयोगनिरता यतिदुःखापहारिणी ||61||

यज्ञा यज्वा यजुर्गेया यज्ञेश्वरपतिव्रता |
यज्ञसूत्रप्रदा यष्ट्री यज्ञकर्मफलप्रदा ||62||

यवांकुरप्रिया यंत्री यवदघ्नी यवार्चिता |
यज्ञकर्ती यज्ञभोक्त्री यज्ञांगी यज्ञवाहिनी ||63||

यज्ञसाक्षी यज्ञमुखी यजुषी यज्ञरक्षिणी |
भकाररूपा भद्रेशी भद्रकल्याणदायिनी ||64||

भक्तप्रिया भक्तसखा भक्ताभीष्टस्वरूपिणी |
भगिनी भक्तसुलभा भक्तिदा भक्तवत्सला ||65||

भक्तचैतन्यनिलया भक्तबंधविमोचनी |
भक्तस्वरूपिणी भाग्या भक्तारोग्यप्रदायिनी ||66||

भक्तमाता भक्तगम्या भक्ताभीष्टप्रदायिनी |
भास्करी भैरवी भोग्या भवानी भयनाशिनी ||67||

भद्रात्मिका भद्रदायी भद्रकाली भयंकरी |
भगनिष्यंदिनी भूम्नी भवबंधविमोचनी ||68||

भीमा भवसखा भंगीभंगुरा भीमदर्शिनी |
भल्ली भल्लीधरा भीरुर्भेरुंडा भीमपापहा ||69||

भावज्ञा भोगदात्री च भवघ्नी भूतिभूषणा |
भूतिदा भूमिदात्री च भूपतित्वप्रदायिनी ||70||

भ्रामरी भ्रमरी भारी भवसागरतारिणी |
भंडासुरवधोत्साहा भाग्यदा भावमोदिनी ||71||

गोकाररूपा गोमाता गुरुपत्नी गुरुप्रिया |
गोरोचनप्रिया गौरी गोविंदगुणवर्धिनी ||72||

गोपालचेष्टासंतुष्टा गोवर्धनविवर्धिनी |
गोविंदरूपिणी गोप्त्री गोकुलानांविवर्धिनी ||73||

गीता गीतप्रिया गेया गोदा गोरूपधारिणी |
गोपी गोहत्यशमनी गुणिनी गुणिविग्रहा ||74||

गोविंदजननी गोष्ठा गोप्रदा गोकुलोत्सवा |
गोचरी गौतमी गंगा गोमुखी गुणवासिनी ||75||

गोपाली गोमया गुंभा गोष्ठी गोपुरवासिनी |
गरुडा गमनश्रेष्ठा गारुडा गरुडध्वजा ||76||

गंभीरा गंडकी गुंडा गरुडध्वजवल्लभा |
गगनस्था गयावासा गुणवृत्तिर्गुणोद्भवा ||77||

देकाररूपा देवेशी दृग्रूपा देवतार्चिता |
देवराजेश्वरार्धांगी दीनदैन्यविमोचनी ||78||

देकालपरिज्ञाना देशोपद्रवनाशिनी |
देवमाता देवमोहा देवदानवमोहिनी ||79||

देवेंद्रार्चितपादश्री देवदेवप्रसादिनी |
देशांतरी देशरूपा देवालयनिवासिनी ||80||

देशभ्रमणसंतुष्टा देशस्वास्थ्यप्रदायिनी |
देवयाना देवता च देवसैन्यप्रपालिनी ||81||

वकाररूपा वाग्देवी वेदमानसगोचरा |
वैकुंठदेशिका वेद्या वायुरूपा वरप्रदा ||82||

वक्रतुंडार्चितपदा वक्रतुंडप्रसादिनी |
वैचित्र्यरूपा वसुधा वसुस्थाना वसुप्रिया ||83||

वषट्कारस्वरूपा च वरारोहा वरासना |
वैदेही जननी वेद्या वैदेहीशोकनाशिनी ||84||

वेदमाता वेदकन्या वेदरूपा विनोदिनी |
वेदांतवादिनी चैव वेदांतनिलयप्रिया ||85||

वेदश्रवा वेदघोषा वेदगीता विनोदिनी |
वेदशास्त्रार्थतत्त्वज्ञा वेदमार्ग प्रदर्शिनी ||86||

वैदिकीकर्मफलदा वेदसागरवाडवा |
वेदवंद्या वेदगुह्या वेदाश्वरथवाहिनी ||87||

वेदचक्रा वेदवंद्या वेदांगी वेदवित्कविः |
सकाररूपा सामंता सामगान विचक्षणा ||88||

साम्राज्ञी नामरूपा च सदानंदप्रदायिनी |
सर्वदृक्सन्निविष्टा च सर्वसंप्रेषिणीसहा ||89||

सव्यापसव्यदा सव्यसध्रीची च सहायिनी |
सकला सागरा सारा सार्वभौमस्वरूपिणी ||90||

संतोषजननी सेव्या सर्वेशी सर्वरंजनी |
सरस्वती समाराद्या सामदा सिंधुसेविता ||91||

सम्मोहिनी सदामोहा सर्वमांगल्यदायिनी |
समस्तभुवनेशानी सर्वकामफलप्रदा ||92||

सर्वसिद्धिप्रदा साध्वी सर्वज्ञानप्रदायिनी |
सर्वदारिद्र्यशमनी सर्वदुःखविमोचनी ||93||

सर्वरोगप्रशमनी सर्वपापविमोचनी |
समदृष्टिस्समगुणा सर्वगोप्त्री सहायिनी ||94||

सामर्थ्यवाहिनि सांख्या सांद्रानंदपयोधरा |
संकीर्णमंदिरस्थाना साकेतकुलपालिनी ||95||

संहारिणी सुधारूपा साकेतपुरवासिनी |
संबोधिनी समस्तेशी सत्यज्ञानस्वरूपिणी ||96||

संपत्करी समानांगी सर्वभावसुसंस्थिता |
संध्यावंदनसुप्रीता सन्मार्गकुलपालिनी ||97||

संजीविनी सर्वमेधा सभ्या साधुसुपूजिता |
समिद्धा सामिघेनी च सामान्या सामवेदिनी ||98||

समुत्तीर्णा सदाचारा संहारा सर्वपावनी |
सर्पिणी सर्पमाता च समादानसुखप्रदा ||99||

सर्वरोगप्रशमनी सर्वज्ञत्वफलप्रदा |
संक्रमा समदा सिंधुः सर्गादिकरणक्षमा ||100||

संकटा संकटहरा सकुंकुमविलेपना |
सुमुखा सुमुखप्रीता समानाधिकवर्जिता ||101||

संस्तुता स्तुतिसुप्रीता सत्यवादी सदास्पदा |
धीकाररूपा धीमाता धीरा धीरप्रसादिनी ||102||

धीरोत्तमा धीरधीरा धीरस्था धीरशेखरा |
धृतिरूपा धनाढ्या च धनपा धनदायिनी ||103||

धीरूपा धीरवंद्या च धीप्रभा धीरमानसा |
धीगेया धीपदस्था च धीशाना धीप्रसादिनी ||104||

मकाररूपा मैत्रेया महामंगलदेवता |
मनोवैकल्यशमनी मलयाचलवासिनी ||105||

मलयध्वजराजश्रीर्मायामोहविभेदिनी |
महादेवी महारूपा महाभैरवपूजिता ||106||

मनुप्रीता मंत्रमूर्तिर्मंत्रवश्या महेश्वरी |
मत्तमातंगगमना मधुरा मेरुमंटपा ||107||

महागुप्ता महाभूता महाभयविनाशिनी |
महाशौर्या मंत्रिणी च महावैरिविनाशिनी ||108||

महालक्ष्मीर्महागौरी महिषासुरमर्दिनी |
मही च मंडलस्था च मधुरागमपूजिता ||109||

मेधा मेधाकरी मेध्या माधवी मधुमर्धिनी |
मंत्रा मंत्रमयी मान्या माया माधवमंत्रिणी ||110||

मायादूरा च मायावी मायाज्ञा मानदायिनी |
मायासंकल्पजननी मायामायविनोदिनी ||111||

माया प्रपंचशमनी मायासंहाररूपिणी |
मायामंत्रप्रसादा च मायाजनविमोहिनी ||112||

महापथा महाभोगा महविघ्नविनाशिनी |
महानुभावा मंत्राढ्या महमंगलदेवता ||113||

हिकाररूपा हृद्या च हितकार्यप्रवर्धिनी |
हेयोपाधिविनिर्मुक्ता हीनलोकविनाशिनी ||114||

ह्रींकारी ह्रीमती हृद्या ह्रीं देवी ह्रीं स्वभाविनी |
ह्रीं मंदिरा हितकरा हृष्टा च ह्रीं कुलोद्भवा ||115||

हितप्रज्ञा हितप्रीता हितकारुण्यवर्धिनी |
हितासिनी हितक्रोधा हितकर्मफलप्रदा ||116||

हिमा हैमवती हैम्नी हेमाचलनिवासिनी |
हिमागजा हितकरी हितकर्मस्वभाविनी ||117||

धीकाररूपा धिषणा धर्मरूपा धनेश्वरी |
धनुर्धरा धराधारा धर्मकर्मफलप्रदा ||118||

धर्माचारा धर्मसारा धर्ममध्यनिवासिनी |
धनुर्विद्या धनुर्वेदा धन्या धूर्तविनाशिनी ||119||

धनधान्या धेनुरूपा धनाढ्या धनदायिनी |
धनेशी धर्मनिरता धर्मराजप्रसादिनी ||120||

धर्मस्वरूपा धर्मेशी धर्माधर्मविचारिणी |
धर्मसूक्ष्मा धर्मगेहा धर्मिष्ठा धर्मगोचरा ||121||

योकाररूपा योगेशी योगस्था योगरूपिणी |
योग्या योगीशवरदा योगमार्गनिवासिनी ||122||

योगासनस्था योगेशी योगमायाविलासिनी |
योगिनी योगरक्ता च योगांगी योगविग्रहा ||123||

योगवासा योगभाग्या योगमार्गप्रदर्शिनी |
योकाररूपा योधाढ्यायोध्री योधसुतत्परा ||124||

योगिनी योगिनीसेव्या योगज्ञानप्रबोधिनी |
योगेश्वरप्राणानाथा योगीश्वरहृदिस्थिता ||125||

योगा योगक्षेमकर्त्री योगक्षेमविधायिनी |
योगराजेश्वराराध्या योगानंदस्वरूपिणी ||126||

नकाररूपा नादेशी नामपारायणप्रिया |
नवसिद्धिसमाराध्या नारायणमनोहरी ||127||

नारायणी नवाधारा नवब्रह्मार्चितांघ्रिका |
नगेंद्रतनयाराध्या नामरूपविवर्जिता ||128||

नरसिंहार्चितपदा नवबंधविमोचनी |
नवग्रहार्चितपदा नवमीपूजनप्रिया ||129||

नैमित्तिकार्थफलदा नंदितारिविनाशिनी |
नवपीठस्थिता नादा नवर्षिगणसेविता ||130||

नवसूत्राविधानज्ञा नैमिशारण्यवासिनी |
नवचंदनदिग्धांगी नवकुंकुमधारिणी ||131||

नववस्त्रपरीधाना नवरत्नविभूषणा |
नव्यभस्मविदग्धांगी नवचंद्रकलाधरा ||132||

प्रकाररूपा प्राणेशी प्राणसंरक्षणीपरा |
प्राणसंजीविनी प्राच्या प्राणिप्राणप्रबोधिनी ||133||

प्रज्ञा प्राज्ञा प्रभापुष्पा प्रतीची प्रभुदा प्रिया |
प्राचीना प्राणिचित्तस्था प्रभा प्रज्ञानरूपिणी ||134||

प्रभातकर्मसंतुष्टा प्राणायामपरायणा |
प्रायज्ञा प्रणवा प्राणा प्रवृत्तिः प्रकृतिः परा ||135||

प्रबंधा प्रथमा चैव प्रगा प्रारब्धनाशिनी |
प्रबोधनिरता प्रेक्ष्या प्रबंधा प्राणसाक्षिणी ||136||

प्रयागतीर्थनिलया प्रत्यक्षपरमेश्वरी |
प्रणवाद्यंतनिलया प्रणवादिः प्रजेश्वरी ||137||

चोकाररूपा चोरघ्नी चोरबाधाविनाशिनी |
चैतन्यचेतनस्था च चतुरा च चमत्कृतिः ||138||

चक्रवर्तिकुलाधारा चक्रिणी चक्रधारिणी |
चित्तचेया चिदानंदा चिद्रूपा चिद्विलासिनी ||139||

चिंताचित्तप्रशमनी चिंतितार्थफलप्रदा |
चांपेयी चंपकप्रीता चंडी चंडाट्टहासिनी ||140||

चंडेश्वरी चंडमाता चंडमुंडविनाशिनी |
चकोराक्षी चिरप्रीता चिकुरा चिकुरालका ||141||

चैतन्यरूपिणी चैत्री चेतना चित्तसाक्षिणी |
चित्रा चित्रविचित्रांगी चित्रगुप्तप्रसादिनी ||142||

चलना चक्रसंस्था च चांपेयी चलचित्रिणी |
चंद्रमंडलमध्यस्था चंद्रकोटिसुशीतला ||143||

चंद्रानुजसमाराध्या चंद्रा चंडमहोदरी |
चर्चितारिश्चंद्रमाता चंद्रकांता चलेश्वरी ||144||

चराचरनिवासी च चक्रपाणिसहोदरी |
दकाररूपा दत्तश्रीदारिद्र्यच्छेदकारिणी ||145||

दत्तात्रेयस्य वरदा दर्या च दीनवत्सला |
दक्षाराध्या दक्षकन्या दक्षयज्ञविनाशिनी ||146||

दक्षा दाक्षायणी दीक्षा दृष्टा दक्षवरप्रदा |
दक्षिणा दक्षिणाराध्या दक्षिणामूर्तिरूपिणी ||147||

दयावती दमस्वांता दनुजारिर्दयानिधिः |
दंतशोभनिभा देवी दमना दाडिमस्तना ||148||

दंडा च दमयत्री च दंडिनी दमनप्रिया |
दंडकारण्यनिलया दंडकारिविनाशिनी ||149||

दंष्ट्राकरालवदना दंडशोभा दरोदरी |
दरिद्रारिष्टशमनी दम्या दमनपूजिता ||150||

दानवार्चित पादश्रीर्द्रविणा द्राविणी दया |
दामोदरी दानवारिर्दामोदरसहोदरी ||151||

दात्री दानप्रिया दाम्नी दानश्रीर्द्विजवंदिता |
दंतिगा दंडिनी दूर्वा दधिदुग्धस्वरूपिणी ||152||

दाडिमीबीजसंदोहा दंतपंक्तिविराजिता |
दर्पणा दर्पणस्वच्छा द्रुममंडलवासिनी ||153||

दशावतारजननी दशदिग्दैवपूजिता |
दमा दशदिशा दृश्या दशदासी दयानिधिः ||154||

देशकालपरिज्ञाना देशकालविशोधिनी |
दशम्यादिकलाराध्या दशकालविरोधिनी |
दशम्यादिकलाराध्य दशग्रीवविरोधिनी ||155||

दशापराधशमनी दशवृत्तिफलप्रदा |
यात्काररूपिणी याज्ञी यादवी यादवार्चिता ||156||

ययातिपूजनप्रीता याज्ञिकी याजकप्रिया |
यजमाना यदुप्रीता यामपूजाफलप्रदा ||157||

यशस्विनी यमाराध्या यमकन्या यतीश्वरी |
यमादियोगसंतुष्टा योगींद्रहृदया यमा ||158||

यमोपाधिविनिर्मुक्ता यशस्यविधिसन्नुता |
यवीयसी युवप्रीता यात्रानंदा यतीश्वरी ||159||

योगप्रिया योगगम्या योगध्येया यथेच्छगा |
योगप्रिया यज्ञसेनी योगरूपा यथेष्टदा ||160 ||इति श्रीगायत्री दिव्यसहस्रनामस्तोत्रं संपूर्णं||